tuis pictures to go liriek fotos video media kontak

sophiatown (wie se triomf is jy)

(musiek & liriek: hanné koster)

saterdagmiddag, sophiatown
ek ry af in edwardstraat
die vleisbraaiers kuier kaalbolyf
terwyl hulle rugby praat
op die kniehoog baksteenmuurtjie
staan die black labels al tou
die radio blaker kliphard
die grappe raak 'n bietjie rou
refrein:	wie se triomf is jy, sophiatown
	die vannemerwes met die escorts
	en die blinkgevryfde mags
	of die mahlangu’s langsaan
	wat ‘n silwer mercedes ry
	wie se triomf is jy, wie se triomf is jy
in johannesstraat waai plastieksakke
teen die doringdrade op
en die werkloses langs die ashoop
wag heelweek vir ‘n kar om te stop
daar’s die roodt broers se slaghuis
wat reg langs die spreekkamers lê
en by mary’s is die haarsny
so kort soos jy dit wil hê
refrein:	wie se triomf is jy, sophiatown
	die bothas wat as die son sak
	agter toe deure wegkruip
	of jong zolile langsaan
	wat na sannetjie kom vry
	wie se triomf is jy, wie se triomf is jy
brug:	by die drankwinkel koop vyf rand
	jou ‘n bottel droë wit
	dis nie chardonnay nie maar dis meer raak
	as ‘n quickpick se mik
refrein:	wie se triomf is jy, sophiatown
	die biskop wie se kerk
	nog troon oor die plek
	of die mense wat onthou
	hoe ver jou storie strek
	wie se triomf is jy, sophiatown
	die bothas wat as die son sak
	agter toe deure wegkruip
	of jong zolile langsaan
	wat na sannetjie kom vry
	wie se triomf is jy, wie se triomf is jy
gepubliseer deur	pictures to go